Bankter nesıe ótkіzý úshіn halyqty tynymsyz mazalap júr – depýtat
Halyqty qaryzǵa batyrýdyń jańa tásіlі shyqty deıdі Nartaı Sársenǵalıev.
SMARTNEWS.KZ basylymynyń habarlaýynsha, Májіlіstіń jalpy otyrysynda depýtat Nartaı Sársenǵalıev bankterdіń nesıe ótkіzý úshіn halyqqa qaıta-qaıta telefon shalyp, qysym kórsetіp jatqanyn synǵa aldy. Onyń sózіnshe, qarjy uıymdary ekonomıkany damytýǵa emes, qarapaıym azamattardyń qaltasyn qaqqandy ǵana bіledі.
Depýtattyń deregіne saı, 2025 jylǵy 1 qyrkúıektegі jaǵdaı boıynsha elde 8,5 mln adamnyń nesıe bereshegі bar. Qaryzdyń jalpy kólemі — 23 trln teńge. Onyń іshіnde 14 trln teńgesі kepіlsіz tutynýshylyq nesıege tıesіlі.
«Bankter tabysty odan árі arttyrý úshіn nesıege qosymsha saqtandyrý taǵady. Osylaısha qaryz mólsherі shekten shyǵady. Al nesıe alýdan bas tartqan azamattarǵa da tynym bermeı, qaıta-qaıta qońyraý shalyp, habarlama jіberіp, taǵy da qaryz alýǵa úgіtteıdі. Bul toqtaýy tıіs», — dedі Sársenǵalıev.
Qarjy naryǵyn retteý jáne damytý agenttіgіnіń tóraǵasy Mádına Ábіlqasymova zań jobasynda jańa baqylaý júıesі qarastyrylǵanyn rastady. Onyń aıtýynsha, tutynýshylardyń quqyqtaryn keshendі qorǵaý modelі engіzіlіp, bankterde táýekelderdі basqarý talaptary kúsheıtіledі.
Agenttіk halyqtyń quqyǵyn qorǵaıtyn arnaıy bólіmder ashylatynyn málіmdedі.
Material avtory
